Life in a School Bus!

സ്കൂൾ ലൈഫിൽ അന്നക്കുട്ടി  ഏറ്റവും കൂടുതൽ enjoy ചെയ്ത കാര്യം school ടൂർ ഓ, arts ഫെസ്റ്റ് ഓ, ഒന്നുമല്ല!! 2 മണിക്കൂർ നീളുന്ന വൈകുന്നേരത്തെ സ്കൂൾ ബസ് യാത്രകൾ ആണ്. 🚌

5th to 10th std വരെയുള്ള 5 വർഷം നീണ്ട daily യാത്രകൾ.

രാവിലത്തെ യാത്ര അര മണിക്കൂറേ ഉള്ളു.8.30 ക്ക് കേറിയാൽ 9 മണിക്ക് സ്കൂൾ എത്തും. No fun! 🥴

രാവിലെ ഉറക്കത്തീന്ന് എണീറ്റു

"അമ്മേ, എന്റെ യൂണിഫോം പാന്റ്  എവിടേലും കണ്ടാരുന്നോ?😴" ന്നുള്ള ചോദ്യത്തിന്

"ഞാൻ അതിട്ടോണ്ടാടീ അടുക്കളേൽ നിക്കുന്നെ, കുറച്ചു കഴിഞ്ഞു ഊരിത്തരാം! 👿"  എന്നും

"ഈ സോക്സ് ഇതെവിടെ പോയി കിടക്കുന്നു🧐" ന്നുള്ള ആത്മഗതത്തിന്

"രാവിലെ നിന്റെ മുറീന്ന് ഇറങ്ങി ഓടുന്നത് കണ്ടു😝 " എന്നുമുള്ള Reply ഉം ഒക്കെ കിട്ടി ബോധിച്ച സന്തോഷത്തിൽ രാവിലത്തെ യാത്രക്കൊരു ഗുമ്മില്ല!!

വൈകിട്ടു 3.30-5.30 വരെ ഉള്ള യാത്ര ആണ് സെറ്റ്!!

7th std വരെ ജാമ്പവാന്റെ കാലത്തെ ഒരു ബസും, അതോടിക്കാൻ ഒരു കൊമ്പൻ മീശക്കാരൻ ജാമ്പവാൻ അങ്കിളും 🥸!

30 നപ്പുറം സ്പീഡോമീറ്റർ പോവൂല്ല. Cycle ഇൽ പോകുന്ന മീൻകാര് വരെ overtake ചെയ്തു പോകും.

ആകെ ഉണ്ടാരുന്ന relaxation സജി അങ്കിൾ ആണ് (ഡോർ ഓപ്പറേറ്റർ). ഒരു 4.30 ആകുമ്പോ ബസ് കാലി ആവും.. ഒരു 3-4 കുട്ടികൾ മാത്രം  ബാക്കി.. പിന്നെ 5.30 വരെ സജി അങ്കിൾ നെ കത്തി വച്ചു കൊല്ലൽ ആണ് നമ്മളുടെ main അജണ്ട..

ജാമ്പവാൻ അങ്കിൾന്റെ driving skills കാരണം ആഴ്ച്ചേലൊരിക്കൽ seat ന്നു ഉരുണ്ടു വീഴും👻. ഒരു തവണ seat ന്നു പറന്നു ചെന്ന് engine ന്റെ മോളിൽ തവള 🐸 കിടക്കുന്ന പോലെ കിടക്കേണ്ടി വന്നത് ഇത്തരുണത്തിൽ അന്നക്കുട്ടി സ്മരിക്കുന്നു😬!

ഞങ്ങളെ വീഴ്ത്തീട്ട് ജാമ്പവാൻ അങ്കിൾ ന്റെ ഒരു കണ്ണുരുട്ടി നോട്ടം ഉണ്ട് 👀, ഞങ്ങളേം സജി അങ്കിൾ നേം. (ചിലപ്പോ with dialogues). കേട്ടാൽ തോന്നും ഞങ്ങൾ വർത്താനം പറയുന്നോണ്ടാ പുള്ളീടെ കയ്യിന്നു വണ്ടി പാളുന്നേന്നു!🤷🏻‍♀️

പാവം സജി അങ്കിൾ അതോടെ ഞങ്ങൾ മിണ്ടാൻ വരുമ്പോ "എന്നേ ചീത്ത കേൾപ്പിക്കരുത്, ഒന്ന് മിണ്ടാതിരിക്കുവോ 🙏🏻" ന്നു അർത്ഥം വരുന്ന ഒരു നോട്ടം നോക്കും.

8th ഇലായപ്പോ പുതിയ ബസും ഡ്രൈവറും വന്നു!

"ആഘോഷം തുടങ്ങട്ടെ!"🥳🥳🥳

അജയൻ അങ്കിൾ! എന്നാ smooth, effortless driving! ആ  വല്യ steering ഒക്കെ വളച്ചിങ്ങനെ എടുത്തു, ഗിയർ മാറ്റി, ആഹാ!! അന്നക്കുട്ടിക്ക് driving പരിപാടി കൊള്ളാല്ലോ 🤩 ന്നു ആദ്യമായി തോന്നിയത് അപ്പോഴാണ് !

4.30 ആകുമ്പോ ഞങ്ങൾ പെട്ടിപ്പുറത്തു ഹാജർ! 🙋🏻‍♀️പിന്നെ ഫുൾ tour mode ഓൺ! 💃🏽

വീട്ടിന്നു കാസറ്റ് കൊണ്ട് വന്നു പാട്ടിടുക, അന്താക്ഷരി, Dumbsherads, ലോകവിശേഷങ്ങൾ പറയൽ, നാക്കിനും ചെവിക്കും റസ്റ്റ്‌ ഇല്ല!

കാണാൻ തരക്കേടില്ലാത്തോണ്ട്,  ബസ് പോണ route ഇലൊക്കെ അജയൻ അങ്കിൾ ന് ചില ഫാൻസ്‌ ഒക്കെ ഉണ്ട്, നമ്മൾ അതൊക്കെ correct ആയി നോട്ട് ചെയ്തു കാണിച്ചു കൊടുക്കും "ദേ, ആ ചേച്ചി എന്നും ബസ് പാസ്സ് ചെയ്യുന്ന സമയത്തു കടയുടെ പുറത്തു വന്നു നോക്കുന്നുണ്ടല്ലോ🧐 " etc etc..

"ടോ, എനിക്ക് ഭാര്യേം പിള്ളേരും ഒക്കെ ഉള്ളതാ, താനൊക്കെ കൂടെ എന്റെ പണി തെറിപ്പിക്കുമോ!" ന്നു ചോദിച്ചു "എന്തോ, ആളുകൾക്ക് എന്നെ ഇഷ്ടമാണ് " സ്റ്റൈലിൽ ഒരു കള്ളച്ചിരി ചിരിച്ചു അജയൻ അങ്കിൾ ആ ചൂണ്ട avoid ചെയ്യും!

ഒരിക്കൽ seat ന്നു ഉരുണ്ടു വീഴുന്നത് miss ചെയ്യുന്നു എന്നു തമാശക്ക് പറഞ്ഞതിന്, അടുത്ത സെക്കൻഡിൽ ഉരുട്ടി ഇട്ടു "ആ ഒരു സങ്കടം അങ്ങ് തീരട്ടെ " ന്നു പറയുന്ന പോലത്തെ ഓളം!

വൈകിട്ട് 5.30 ക്ക് വീടിനു മുന്നിൽ ബസ് നിർത്തുമ്പോ ഇറങ്ങാൻ മടി തോന്നുന്ന, ഒരു ബ്ലോഗിൽ തീരാത്ത കുറെ ഓർമ്മകൾ തന്ന സ്കൂൾ ബസ് യാത്രകൾ !