കല്യാണി പ്രിയദർശനോട് അവരുടെ skin ന്റെ രഹസ്യം എന്താണെന്ന് ചോദിക്കുമ്പോ അവർ ഒരു മറുചോദ്യം ചോദിക്കുന്നുണ്ട് - "നിങ്ങളെന്റെ അമ്മയെ കണ്ടിട്ടില്ലേ? കുറച്ചൊക്കെ genetics ആണ് " എന്ന്.
ഈ മറുപടി ഞാൻ പറയണമെങ്കിൽ ചോദ്യങ്ങൾ താഴെ കൊടുത്തവയിൽ ഏതെങ്കിലും ആകണം :
"നെറ്റിയൊക്കെ അങ്ങ് കയറിയല്ലോ!"
(ജനിച്ചപ്പോ പാരമ്പര്യമായി കൈമാറി കിട്ടിയതാണ്. അപ്പൂപ്പൻ അമ്മാവന് കൈമാറി, അമ്മാവൻ എനിക്ക് കൈമാറി, ഇനി ആർക്ക് കൈമാറും എന്നറിയില്ല 🙇🏻♀️ അന്യം നിന്ന് പോകുമോന്നൊരു ശങ്ക ഇല്ലാതില്ല എന്റെ കാലശേഷം!)
"എന്തിനാണ് ഇത്രയും discipiled ആകുന്നത്?"
(എന്റെ വീട് ഒരു ദുർഗുണ പരിഹാര പാഠശാല ആയാണ് relatives ന്റെ ഇടയിൽ അറിയപ്പെട്ടിരുന്നത്. മക്കളെ അവധിക്കാലങ്ങളിലും, അല്ലാതെയും കുറച്ച് ദിവസങ്ങൾ ഞങ്ങളുടെ വീട്ടിൽ കൊണ്ട് നിർത്തി "പഠിപ്പി"ച്ചിട്ടുള്ള എത്രയോ അമ്മമാർ!! )
ഇനി മറുപടി "എന്റെ അപ്പനെ കണ്ടിട്ടുണ്ടോ? കുറച്ചൊക്കെ genetics ആണ്" എന്നാവണമെങ്കിൽ ചോദ്യങ്ങൾ താഴെ കൊടുത്തിരിക്കുന്നു:
"ആരെന്തു വിചാരിച്ചാലും എനിക്കൊന്നുമില്ല, ഞാൻ എന്റെ ജീവിതം എനിക്ക് തോന്നിയത് പോലെ, എനിക്കിഷ്ടം ഉള്ളതൊക്കെ ചെയ്തു ജീവിക്കും! - എന്ന് പറയാൻ എങ്ങനെ ധൈര്യം കിട്ടുന്നു?"
"എങ്ങനാടോ ഇത്രേം വല്യ modules, definitions ഒക്കെ താൻ പുട്ടുപോലെ മനസ്സിലാക്കി പഠിക്കുന്നത്?"
"ജീവിതത്തിൽ യാതൊരു ലക്ഷ്യങ്ങളുമില്ലാത്ത മനുഷ്യരുണ്ടോ?"
"എന്നെ കേൾക്കാൻ ഒരു സുഹൃത്ത് എനിക്കില്ലെങ്കിൽ, എന്റെ പേടികളും, സംശയങ്ങളും നിങ്ങളോട് പറയുമ്പോൾ അത് ശുദ്ധ ഭോഷ്കായി നിങ്ങൾക്കു തോന്നുന്നുവെങ്കിൽ - എനിക്ക് പറയാനുള്ളതെല്ലാം ഞാൻ എന്റെ പുസ്തകത്താളുകളോട് പറഞ്ഞോളാം!!"
(എന്റെ ലോകത്തെ കാഴ്ചകൾ നിങ്ങൾക്ക് കാണാനും മനസ്സിലാക്കാനും കഴിയാത്തത് എന്റെയും നിങ്ങളുടെയും കുറ്റമല്ലല്ലോ!)
"തന്നെ കണ്ടാൽ ഇത്രേം പ്രായം ഉണ്ടെന്നു പറയത്തില്ലല്ലോ! ഇതെങ്ങനെ സാധിക്കുന്നു?"
ഇനി മറുപടി "എന്റെ അപ്പച്ചനെ കണ്ടിട്ടുണ്ടോ? കുറച്ചൊക്കെ genetics ആണ്" എന്നാവണമെങ്കിൽ ചോദ്യം താഴെ കൊടുത്തിരിക്കുന്നു:
"എന്ത് ധൈര്യത്തിൽ ഇങ്ങനെ യാത്രകൾ ചെയ്യുന്നു?"
മേൽ പറഞ്ഞ 3 വ്യക്തികൾക്കും വേറെ ഒരുപാട് സ്വഭാവസവിശേഷതകൾ ഉണ്ടെങ്കിലും - അതിൽ പലതും "genetics" വഴി കിട്ടല്ലേ കർത്താവേ എന്ന് പ്രാർത്ഥിച്ചു കൊണ്ട് നിർത്തുന്നു.
Special thanks to Kalyani Priyadarshan! ❤️
No comments:
Post a Comment