എന്നേം കൊണ്ട് മല കയറിയ 2 കുതിരകൾക്കും (Irene നേം കൊണ്ട് കേറിയ 2 കുതിരകൾക്കും) ഞങ്ങളുടെ 2 പേരുടേം പേരിലുള്ള ഹൃദയം നിറഞ്ഞ നന്ദി രേഖപ്പെടുത്തുന്നു!
"ഇടത്തോട്ട് തിരി, വലത്തോട്ട് തിരി, ആഗെ മുട്ട്, പീച്ചേ മുട്ട്" എന്നൊന്നും പറഞ്ഞ കുതിരക്ക് മാലൂം നഹീ! നഹീ ന്നു പറഞ്ഞ നഹീ!🤐
കുതിരക്കാരൻ നാക്കു കൊണ്ട് ഉണ്ടാക്കുന്ന വിചിത്രമായ ഏതോ sound ey അതിനു മനസ്സിലാവൂ!🥴
Group മുന്നോട്ടു പോകുന്നതിനനുസരിച്ചു "അയ്യോ.. ഭയ്യാ.. ഘോടാ എങ്ങോട്ടോ പോകുന്നു ഹേയ്.. പക്ടോ പക്ടോ.. ഈശ്വരാ.. ദൈവമേ.. ഗുരുവായൂരപ്പാ.. മുത്തപ്പാ.." വിളികൾ കൊണ്ടും നാണ ജപങ്ങൾ കൊണ്ടും ആ പഹൽഗാം മലനിരകൾ പുളകം കൊണ്ടു. 🥹🥶
ദോഷം പറയരുതല്ലോ.. എന്റെ കുതിരക്ക് ഭയങ്കര അനുസരണ ആരുന്നു. നല്ലവനായ ഉണ്ണി!
വേറെ ഏതോ കുതിരക്കാരൻ അവന്റെ കുതിര സ്പീഡിൽ പോകാൻ sound ഉണ്ടാക്കുന്നത് കേട്ടിട്ട് പോലും എന്റെ കുതിര അക്ഷരം പ്രതി അനുസരിച്ചു കൊണ്ടേ ഇരുന്നു!
"നിന്നോടല്ലടാ മണ്ടൻ കുതിരേ " എന്ന് പറയണം എന്നുണ്ടായിട്ടും കുതിരയെ പിണക്കണ്ട ന്നു വച്ചു ഞാനൊന്നും മിണ്ടിയില്ല 🤷🏻♀️ !
ആ route ഇൽ ഉണ്ടാരുന്ന എല്ലാ കുതിരക്കാരൻമാരുടേം signal അനുസരിച്ചു ഓടി ഓടി എന്റെ നല്ലവനായ ഉണ്ണി മുന്നേറി.. 🏇🏇
അപ്പൊ ദേ opposite വരുന്ന ഒരു വശപ്പിശകു പിടിച്ച കുതിര എന്റെ "നല്ലവനായ ഉണ്ണിയെ" കുത്താൻ വരുന്നു.
അതിന്റ മോളിൽ ഇരിക്കുന്ന ഹതഭാഗ്യൻ "ഓഹ്.. ഇനി പോയി അതിന്റെ മണ്ടേലോട്ട് കേറാത്തെന്റെ ഒരു കുറവൂടെ ഉള്ളു " എന്ന് പറയുന്നത് കേട്ടു ഞാൻ അവനെ നോക്കി ചിരിച്ചു "ആപ് മലയാളി, മേ ഭീ മലയാളി..ഹം ദോനോ 2 കുതിരെടെ മോളിൽ പെട്ടു ഹേ.."🤕
അവസാനം എല്ലാം കഴിഞ്ഞപ്പോ കുതിരക്കാരനും കൂടെ വന്നവരും ഒരു പോലെ പറഞ്ഞു - എനിക്ക് ഭയങ്കര ധൈര്യം ആരുന്നെന്നു! Irene നും.. അത് പിന്നെങ്ങനല്ലേ വരൂ! (പേടിച്ചിട്ടു നിലവിളിക്കാൻ പോലും പറ്റാതെ freeze ആയിപോയതാ എന്നൊക്കെ അസൂയക്കാര് പറയും, നമ്മൾ മൈൻഡ് ആക്കണ്ടന്നെ! 😏)
മത്തൻ കുത്തിയാ കുമ്പളം മുളക്കുമോ 🤪
