"അമ്മ എപ്പോഴാ വലുതായത്?"
ഒരു നേരത്തെ ആഹാരം കഴിക്കാൻ മിനിമം 2 മണിക്കൂർ എടുക്കുകയും, ആവനാഴിയിലെ അവസാനത്തെ വില്ലും ഞാൻ എയ്തു കഴിഞ്ഞാലും " ഉം.. ഇതൊക്കെ കുറെ കണ്ടിട്ടുള്ളതാ.. പുതിയത് വല്ലോം ഉണ്ടെങ്കിൽ ഇറക്ക്" എന്നുള്ള ഭാവത്തിൽ ഇരിക്കുന്ന വില്ലത്തി ആയതുകൊണ്ട് ഞാൻ ബുദ്ധിപൂർവം
"എന്റെ അമ്മ എനിക്ക് ആഹാരം തരുമ്പോ,പാല് തരുമ്പോ, മുട്ട തരുമ്പോ ഒക്കെ ഞാൻ ഒരു വഴക്കും ഉണ്ടാക്കാതെ എല്ലാം പെട്ടന്ന് പെട്ടന്ന് കഴിച്ചതു കൊണ്ടു ഞാൻ പെട്ടെന്ന് വലുതായി" എന്ന മട്ടിൽ ഒരുത്തരം അങ്ങു കൊടുത്തു.
അടുത്ത ചോദ്യം "അമ്മടെ അമ്മ എന്തിയെ?"
"അമ്മടെ അമ്മ നമ്മുടെ അടുത്തില്ല.. യേശുഅപ്പച്ചന്റെ അടുത്താ"
"അമ്മ പോകുന്നില്ലേ യേശുഅപ്പച്ചന്റെ അടുത്ത്? അമ്മ എന്താ പോകഞ്ഞെ?"
