വിമാനത്താവളം @ ഞായറാഴ്ച
ഒക്കത്തൊരു കുഞ്ഞും, ഒരു കയ്യിൽ ഹാൻറ് ബാഗും, മറു കയ്യിൽ കൊച്ചിന്റെ വാട്ടർബോട്ടിലുമായി നാട്ടിലെക്കുള്ള ഫ്ളൈറ്റ് ബോർഡിങ്ങിന്റെ ക്യൂവിൽ നില്ക്കുന്ന ഒരു യുവതി.
പുറകിൽ നിന്ന ഒരു ചേട്ടൻ അതാ ക്യൂവിനിടയിൽ കൂടി യുവതിയുടെ മുന്നിൽ കണ്ണടച്ചു തുറക്കുന്ന സമയം കൊണ്ട് നുഴഞ്ഞുകയറി.. (പാക് തീവ്രവാദികൾ പോലും തോറ്റോടും)
യുവതി "What the hell" ന്നുള്ള അർത്ഥത്തിൽ നോക്കുംബോൾ ചേട്ടൻ തിരിഞ്ഞ് "അമ്മയ്ക്ക് സുഖമില്ലന്നു നാട്ടിൽ നിന്ന് പറഞ്ഞു. അതുകൊണ്ടാ.."
"അമ്മ സുഖമില്ലാതെ നാട്ടിലാരുന്നോ! ചേട്ടന്റെ പോക്ക് കണ്ടിട്ട് അമ്മ സുഖമില്ലാതെ ഫ്ളൈറ്റിനകത്താണന്നാ ഞാൻ കരുതിയത്."
ഇതെ ചേട്ടനല്ലെ ഇത്രയും നേരം ഫോണിൽ Just for laughs ഉം കണ്ട് ചിരിച്ച് മറിഞ്ഞിരുന്നത് അവിടെ കസെരയിൽ! അപ്പഴും നമ്മൾ പോസ്റ്റ് പോലെ ഇരിക്കാൻ സീറ്റില്ലാതെ നില്പ്!
ചേട്ടോ, ചേട്ടൻ ആദ്യം കയറിയാലും അവസാനം കയറിയാലും എല്ലാരും കയറിയിട്ടല്ലേ ഫ്ളൈറ്റ് പോകൂ!
പിന്നെന്തിനാണീ സർക്കസ്..
ഈ കക്ഷി ക്രിസ്ത്യാനി ആകാനാ സാധ്യത. കുർബ്ബാന കഴിഞ്ഞ് കൈ മുത്താൻ നേരം ക്രിസ്ത്യൻ പള്ളികളിൽ ഇതൊരു സ്ഥിരം കാഴ്ചയാ.. ഞായറാഴ്ച ആയതുകൊണ്ടു ക്യൂ കണ്ടപ്പൊ പെട്ടന്ന് പള്ളി ആണെന്ന് കരുതി കയറിയതാവും പാവം!!
